Stasciuni siciliane

1) Primavera
Quannu la matina, spunta lu suli
lu cantu di l'aceddi, nni fannu arrisbigghiari.
Nill'ummira di cristiani, ‘ncapu li muli
sunnu l'omini ch'é partunu pi travagghiari.

Quannu primavera arriva zzaàra spunta;
viesti li macchi ccu li to' prufumi,
lu cori di na zzita cuntenti canta
aspittannu lu zzitu pi nu vasuni.

Li rondini ch'è li nidi fannu nni li puttusa
inchiennu di vita tutti li muri,
la stissa dumanna si fa na mamma anziusa
quannu arriva, lu fruttu di lu so amuri.

Di çiuri culurati li campi s'allinchiunu,
pari ch'é abballunu ccu nu filu di ventu.
Quannu dui cori pi la manu si pigghiunu
chistu e lu çiauru, di la primavera ch'é sentu.

2) Estate
Unni lu suli arriva tuttu crisci,
sintiri li so' raggi è ‘n piaciri.
Ma unni acqua manca nenti nasci,
li nuvuli passunu di ccà senza ciànciri.

Na farfalla stanca supra na spiga si posa,
lu tramuntu, comu ‘n suspiru si disidira,
lu picciottu ch'é la terra travagghia s'arriposa
aspittannu ch'é arriva la frisca sira.

Lu suli ch'é aiuta li fimmini a ffari lu strattu,
a chiddi ch'é fora li robbi stennunu
e all'autri che li cchiappiri hannu fattu
aspittannu li mariti ch'é s'arricògghiunu.

Li paisi ch'é festa fannu a li soi Santi,
s'addumunu li luci nni l'uocchi ddi li cristiani,
lu cori ch'é s'adduma di musica e canti
ch'é na sta Isula n'ìnchia tutti li chiani.

3) Autunno
Di ‘n ‘poiu scinna lu ventu duci,
ammuttannu la calura ch'è stenta a finìri;
ora che di metiri si finiu s'appiennunu li fauci
e li babbaluci ccu lu chioviri si vidunu niscìri.

Di autri culuri tinci li to' munti,
cchiù picca su l'aceddi ch'é cantunu;
ora ch'é nni li cresii hanu trasutu li Santi
l'unica calura ch'é vena e ddi lu to' vulcanu.

Quannu ‘ncumunciunu a pinnuliari li fogghi
li bancarelli di la fera d'ottobri si muntunu;
li mammi accumpagnunu a scola li figghi
e li picurari friscannu cuntenti, la ricotta fannu.

Ormai lu tiempu sta pi cànciari,
nni li poia si vidunu criscìri li sparici,
ora qualchi nuvula s'à dicisu di ciancìri,
l'autunnu è arrivatu, scuta a mia, cridici.

4) Inverno
Lu friddu penza a ffari ricurdari
ch'é la stasciuni è ormai luntanu;
l'acqua e lu ventu fannu pinzari
a lu paraccu, la bunaca, e a lu pastranu.

Ora che l'ogghiu ddi lu trappitu s'a nisciutu
l'aranciu si talia ch'è ‘ncumincia a russicari.
Li fimmini che li mennuli l'hannu scacciatu,
li mennuli caliati e lu tirruni l'hanna ffari.

Quannu cala la sira l'aceddi s'accucciunu
e di lu focu nasci lu carbuni ardenti;
li stiddi ch'è nni lu celi s'ammucciunu
pi lassari lu friddu trasiri nni li genti.

Ma lu ‘nvernu ccu tutti li so' difetti
porta travagghiu a li travagghiaturi.
Li stasciuni ddi la Sicilia, accussì li vitti
e ddi la so' terra sincera pottu sempri l'amuri.

| Indietro

Salone Internazionale del Libro - Genève 2005