Chiantu d'angelo

Di unni veni bedda picciridda ?
Tu ch'è nni stu munnu si appena arrivata,
dimmi, picchì ‘un si nni la to culla ?
‘Unn'aviri spavientu ora ch'è t'haiu truvatu.

Ti portu in un postu unni amuri avrai
pi campari cuntenti accantu a na stidda,
a luna t'illuminirà e filicità canuscirai
pi crisciri cchiù forti e bedda.

Ma ‘un ti puoi mai rassignari,
pi la nascita to, ‘un cc'è statu fistinu,
tu, figghia bedda ch'è si stata abbannunata
la vita ti l'ha nigata lu to distino.

Ju chianciu pi la to ‘nnucenza
e pi chiddi ch'è a na vita ‘un dannu mpurtanza
aviennu persu li valuri di cristiani.
Chista vita sfurtunata cuncipita da un surrisu
pi lu to primaturu arrivu n'paradisu.

| Indietro

Salone Internazionale del Libro - Genève 2005